23 de mayo de 2009

Filloas recheas de cabuxa guisada ao estilo de Conxo



Kurso de Kociña da Kabra
Asociación da Festa da Cabra de Conxo
MAIO 2009


No centro Sociocultural de Conxo puidemos asistir ao curso de cociña da cabra organizado pola Asociación de Veciños de Conxo e pola Comisión Organizadora da Festa da Cabra de Conxo, festa que poderemos disfrutar en setembro.


Houbo moito interés por este curso e tivemos que esperar un mes para asistir á "2º edición" do mesmo, previo pago de 5 € (moi ben invertidos) pola inscripción. Así soubemos que a historia gastronómica do caprino na parroquia de Conxo é tradicional dende hai séculos, por iso consiguen cociñalo tan ben.

Explicouse como diferenciar a cabra, a cabuxa, que non o castrón, da ovella (non confundir gato por lebre), como deixala en oreo dous días, como adobiala antes de cociñala, e algún dos segredos para cociñala ben.

Teño que confesar que me sorprendeu gratamente o arrecendo da cabra cociñada, a súa textura branda e o seu arrecendo suave. Pero máis nos sorprendeu o feito de que fan filloas para acompañar a vianda, filloas de tixola e de filloeiro de ferro que foron o mellor acompañamento deste manxar. Noraboa e o noso agradecemento para os organizadores.


Receita da cabra estilo Conxo AQUÍ
Máis fotos e vídeos do curso AQUÍ

Adiantándonos no tempo, e se o demo non lle da unha reviravolta, a Asociación Filloas da Pedra de A Baña ten programados varios cursos de filloas da pedra e de cociña da pedra para despois do verán. Aquelas asociacións ou calquera persoa interesadas poden poñerse en contacto con nós.

Novas xeracións filloeiras



A Baña, a terra onde hai máis filloas da pedra e mulleres por habitante, e a nosa asociación contan dende hai poucos días cunha nova filloeira: Aldara. A cativa, que sabe o que é unha boa filloa dende antes de nacer, vémola na fotografía chiando por unha filloa máis para o xantar. A súa nai, a nosa compañeira filloeira e amiga Mónica, segue a darlle arrecendo filloeiro no biberón. Esperamos con ansiedade as fotos do seu bautizo filloeiro nese intre no que envolven ao rapaz nunha filloa.

Noraboa a Mónica e familia. Precisamos de máis filloeir@s para o reemplazo xeracional, así que ánimo e boa sorte a tódolos filloeir@s.

15 de marzo de 2009

An de uiner is...

Non é Peeedroooo, non, o gañador é a filloa da pedra xunto cos veciños do concello de A Baña. A filloa da pedra, patrimonio cultural de Galicia, a receita máis tradicional da gastronomía galega, aséntase cada ano un pouco máis no recetario moderno e na dieta dos galegos, recuperando ese posto de honra que lle corresponde.

Gracias a todos pola vosa participación:
  • ós veciños
  • ós voluntarios que axudaron na festa
  • ós asistentes
  • ós patrocinadores
  • ós participantes ó certame de cociña da filloa
  • a quen se me esqueza agora e debera ser nomeado eiquí
  • e tamén a eses raquíticos mentais que lle poida molestar o noso traballo (chámalle exitazo), porque o seu cabreo, o seu xogo sucio, a súa envexa, é un alicerce máis da nosa motivación.

Tamén agradecemo-la presencia de Don Alberto Núñez Feijoo na nosa festa; vídeo AQUÍ. Parece ser que non puido resistirse ó encanto das nosas filloeiras e achegouse para papar unhas cuantas, filloas, por suposto, ¿e logo que pensabades? Esperemos que este xesto se convirta en costume e tódolos futuros presidentes da Xunta acorden facernos unha visita o día da festa da filloa, polo menos.

Señor Feixó: está vostede convidado ó próximo curso de filloas e de cociña da pedra que logo imos facer. Préstolle a miña pedra e déixolle escoller cacho de touciño para enlorda-la, e teña en conta que nunca lla prestei a ninguén porque é moi xeitosa. Se quere animar a algún colega a vir aínda temos prazas libres.


NOVOS ENLACES PARA FOTOGRAFÍAS E VÍDEOS
Mentres non renovámo-la web da asociación, este blog e algunha cousiña máis, podedes lembra-la festa nestes enlaces:
  • Vídeos da festa 2009 no You-Tube AQUI
  • Novo álbum de fotografías da festa deste ano AQUI 1 e máis AQUÍ 2
  • Quen queira deleita-los sentidos coa fermosa "curtametraxe filloeira" de anosaterraTV coas filloas e a cociña na pedra como protagonistas, ver video AQUÍ
  • A TVG colaborou moito con estas dúas reportaxes durante a festa: obradoiro filloeiro para nenos AQUÍ e festa da cociña á pedra AQUÍ
  • Fotografías doutras edicións e das nosas actividades AQUÍ
  • Aínda que están sen rematar de subir tódalas fotografías e vídeos (haberá máis fotos), os enlaces do curso de cociña de filloas AQUÍ 1 e máis AQUÍ 2
Neste blog tedes enlaces á dereita cara a outros vídeos e webs con fotografías da festa e doutras actividades que fai a nosa asociación, mirade á dereita deste blog eses enlaces; tamén noutras entradas vellas neste blog.

"ENLACES ENVIADOS POLOS LECTORES DESTE BLOG ACTUALIZADOS Ó 16/03/2009"
Se tedes material gráfico ou sonoro que queirades compartir con nós, pois avisades e quedaremos moi agradecidos.
  • 20/02/2009 - As filloas da pedra de A Baña e o Entroido; na TVG, AQUÍ
  • 19/02/2009 - O chef Mallón e as filloas da pedra; na TVG, AQUÍ
  • 27/11/2007 - Reportaxe do noso libro 50 recetas con filloas; na TVG AQUÍ
  • febreiro/2009 - Reportaxe das filloas da Pedra e de A Baña no programa De viaxe para o Canal Internacional da TVG, AQUÍ
  • Galería de fotografías da festa en O Correo Galego, AQUÍ
Se tivesemos que facer unha campaña de publicidade nunha canle de televisión, marketing filloeiro, escolleríamos este video clip coa compañeira María:

10 de marzo de 2009

Logo vimos, estamos filloando

OS DATOS:
  • 15.000 persoas pasaron pola festa
  • 600 l de amoado feitos durante a festa, a 8 filloas por litro (+ - 5%) = ...
  • 20 pedras facendo filloas en directo e máis de 100 pedras nas casas dos veciños que colaboraron
  • Centos de racións de orella de porco cocida e orella á pedra, empanadas varias, arepas estilo venezolano e chourizos ao viño
  • Arroutada filloeira (festa rachada) facendo e servindo filloas da pedra dende as 9 da mañán ata pasáda-las 10 da noite
  • I Festa da Cociña da Pedra consolidada e preparando a 2ª edición
  • 12 pratos presentados ao V Certame de Cociña da Pedra
  • 70 lalinensas peregrinaron á festa en 2 autobuses
  • ¡¡¡Ufffffffffffffffffffffffffffffffffffffffffffffffffffffff!!!

ENLACES DE MOITO INTERÉS:


Abraiante documento gráfico filloeiro e da I Festa da Cociña da Pedra en ANT TV

Máis videos da VI Festa da Filloa da Pedra de A Baña AQUÍ

Vídeos e fotografías do Entroido 2009 en A Baña AQUÍ

A festa na TVG: obradoiro de cociña para rapaces

A I Festa da Cociña da Pedra na TVG co Mestre Filloeiro Mallón

Entrevista realizada a Mónica Tomé, secretaria da Asociación, e mái-lo Mestre illoeiro José Manuel Mallón sobre a VI Festa da Filloa de A Baña. O noso agradecemento a "Sempre en Galicia" - Radio Cornellà : 104.6 FM

23 de febrero de 2009

I FESTA DA COCIÑA DA PEDRA EN GALICIA. 8 de marzo de 2009 en A Baña

Coincidindo coa VI Festa da Filloa da Pedra de A Baña, e como actividade complementaria organizada por socios e amigos da Asociación Filloas da Pedra de A Baña, informamos da celebración da I Festa da Cociña da Pedra en Galicia o día 8 de marzo de 2009 en A Baña.

A cociña da pedra en Galicia, cunha orixen celta confirmada, é unha técnica de lareira que os nosos devanceiros veñen transmitíndonos dende hai séculos. Esta primeira edición únicamente consistirá nun curso-degustación no que os asistentes aprenderán a cociñar na pedra algúns dos pratos máis tradicionais que veñen cociñando moitos galegos e veciños do Val de Barcala dende hai moitas xeracións.

O menú a degustar no curso por 25 €:
  • Espeto de polbo e langostinos na pedra con vinagreta de perexel e patacas cachelo. Vídeos de polbo á pedra
  • Lomo de robaliza na pedra con verduras salteadas e ensalada de leituga
  • Presa de porco celta con patacas de mantequilla e pementos do piquillo, todo feito na pedra con salsa agridoce de mazán.
  • Filloas recheas de tarta de queixo ó forno con caramelo

Por mor da falta de espacio, só podemos ofrecer nesta primeira edición da Festa da Cociña da Pedra un curso para 40 asistentes, polo que recoméndase reservar praza para o curso-degustación e confirmar a asistencia a esta actividade.


Información e inscrición:
Axencia de Desenvolvemento Local de A Baña - 981 886 777
filloas.pedra@yahoo.es


Enlaces con fotografías e vídeos relacionados:

20 de febrero de 2009

Vídeos filloeiros das Mestras Filloeiras de A Baña

¡¡¡¡¡Non vos esquezades de que a VI Festa da Filloa da Pedra de A Baña será o día 8 de marzo de 2009!!!!!


Mestras Filloeiras de A Baña facendo filloas na pedra:

agalega.info - Videos das noticias dos informativos da TVG


O Mestre Filloeiro José Manuel Mallón facendo filloas da pedra nas xornadas de cociña de Entroido no restaurante D'antaño en Bertamiráns:

agalega.info - Videos das noticias dos informativos da TVG


Vídeo do libro 50 recetas con filloas da Asociación Filloas da Pedra de A BAña, editado por Albarellos:

agalega.info - Videos das noticias dos informativos da TVG


Tamén podedes ve-las fotografías do curso de cociña de filloas da pedra neste enlace

14 de febrero de 2009

CURSO DE COCIÑA DE FILLOAS DA PEDRA EN A BAÑA

¡¡¡¡¡Non vos esquezades de que a VI Festa da Filloa da Pedra de A Baña será o día 8 de marzo de 2009!!!!!

Mentres, por se alguén quere aprender e practicar con algunha receita de filloas para o V Certame de Cociña da Filloa da Pedra de A Baña, entre os días 19 de FEBREIRO e 17 de MARZO de 2009, de 19 h a 22 h no Local Social de Barcala (A Baña), o noso amigo, compañeiro e Mestre Filloeiro José Manuel Mallón Ardións, chef do restaurante D'antaño en Bertamiráns, impartirá unhas clases maxistrais da cociña da filloa da pedra. É de supoñer, coma noutras ocasións, que o mestre nos alegre as xornadas cociñando algún manxar máis á pedra (ovos, cigalas, cogumelos, polbo...).

Neste enlace tedes unhas fotos do curso, e neste outro enlace atoparede-los vídeos do curso. Se queredes votar unha ollada ás filloas que polo mundo adiante se poden atopar, pois mirade aquí ou enviade as vosas fotografías.

O curso é gratuito, co compromiso, por parte de quen asista, de presentar un prato ao V Certame de Cociña de Filloas da Pedra.


Información e inscrición na Axencia de Desenvolvemento Local de A Baña - 981 886 777


As nosas receitas pódense ver nestes enlaces:

Descarga receitas do noso libro de filloas en PDF

¡Bo proveito! Esperamos a vosa participación

9 de febrero de 2009

V CERTAME DE COCIÑA DE FILLOAS DA PEDRA --- 8 DE MARZO DE 2009


O Concello de A Baña, como actividade enmarcada dentro da programación a realizar na VI Festa da Filloa da Pedra, convoca o V CERTAME DE COCIÑA DE FILLOAS DA PEDRA, co patrocinio da Fundación Feiraco, e coas seguintes BASES:



1º.- Cada concursante poderá presentar un máximo de dous pratos ó certame, sendo o ingrediente base a filloa da pedra. Cada preparación culinaria deberá ir acompañada da correspondente receita indicando o nome da mesma, o/a autor/a ou autores/as, ingredientes, cantidades e método de elaboración.
A valoración que outorgue o xurado basearase no arrecendo, no sabor do prato, na presentación e na orixinalidade da combinación dos ingredientes.

2º.- Os participantes neste certame inscribiranse antes das 14 horas do venres 06 de marzo de 2009 na Axencia de Desenvolvemento Local ou no teléfono 981 886 777. As bases deste certame pódense recoller na oficina da citada axencia en horario de 9 a 14 horas.

3º.- A inscrición será de balde, e no momento de facela asinaráselle a cada participante un número identificativo que figurará xunto ó prato dende o inicio do concurso, facilitando deste xeito o anonimato. Ó remate da valoración dos pratos por parte do xurado, cada participante poderá recoller o material utilizado.

4º.- Dende o momento da presentación dos pratos ó certame, os dereitos sobre as receitas presentadas e as fotos que se lles fagan ós pratos pasarán a ser propiedade do Concello de A Baña.

5º.- O prazo para a presentación dos pratos ó concurso rematará ás 13 horas do domingo 08 de marzo, e o lugar para presentalos será no stand do Concello de A Baña, no Pavillón Municipal.

6º.- Recórdaselle ós participantes que deberán seguir unhas normas mínimas de hixiene alimentaria durante todo o proceso de elaboración ou transporte dos alimentos.

7º.- O Xurado estará integrado por membros de recoñecido prestixio do eido gastronómico. Se a calidade dos pratos así o suxire, poderase declarar deserto o premio do Certame ou conceder os accésists que se coiden oportunos. O Xurado terá plenos poderes para decidir sobre calquera dúbida ou incidencia que xurda durante o Certame. As decisións do Xurado son inapelables.

8º.- Outorgaranse dous premios, ó mellor sabor e á mellor presentación, que consistirán nunha cesta de produtos de alimentación valorada en 300 €, e un diploma acreditativo do premio. Así mesmo, haberá unha mención especial ó prato máis orixinal, o gañador do cal recibirá como premio unha cea.

A tódolos concursantes se lles fará entrega dun agasallo en agradecemento pola súa participación. Os premios entregaranse o mesmo día 08 de marzo, ás 13:30 horas, no transcurso da VI Festa da Filloa da Pedra (Pavillón Municipal).

9º.- A presentación ó Certame implica a aceptación destas bases.

Concello de A Baña, a 6 de febreiro de 2009


7 de febrero de 2009

A VI Festa da Filloa da Pedra de A Baña será o día 8 de marzo de 2009



Xa pasou un ano e xa tiñamos ganas de FILLOAS DA PEDRA!

Volven o Entroido, as filloas da pedra, o inverno, o cocido... e tamén unha nova edición, a sexta, da nosa, e tamén vosa, Festa da Filloa da Pedra en A Baña. Para tervos ben informados, tan pronto como poidamos colgaremos calquera información oportuna neste blog, ou na web oficial da asociación en filloasdapedra.es

Poucas asociacións sen ánimo de lucro, apolíticas e sen axudas económicas, só coa boa vontade de veciños e amigos, sen moitos medios, coa arela de conservar parte do noso patrimonio gastronómico tradicional (e de orixen celta), conseguimos tanto en tan pouco tempo. Nun ano, e non sen atrancos, traballamos arreo:

-*- Publicamos un libro con 50 receitas de filloas presentadas por veciños e amigos ao noso certame de cociña, ¡¡¡e xa vai alá a 2ª edición!!!

filloeiras


-*- O noso libro de receitas resultou merecedor do Premio Nacional de Gastronomía Álvaro Cunqueiro 2008, en Lalín. Este é o "testiño", deseñado polo magnífico artista de Vila de Cruces Paco Lareo, que reciben os premiados.

filloeiras


-*- Participamos no Fórum Gastronómico de Santiago. Agora, as nosas filloas de A Baña coñécenas ata no Xapón da man do cociñeiro xaponés Yamamoto. Carme Ruscalleda e Ferrán Adriá (dous dos mellores cociñeiros españois) tamén disfrutaron ao facelas, sobre todo ao voltealas. Os cociñeiros, galegos, do Grupo9 axudaron moito e conseguimos facer deles uns expertos filloeiros.

-*- 10.000 persoas pasaron e comeron unha filloa na edición da festa no 2008, cifra difícil de superar.

-*- Espallamos a cultura filloeira por Europa, España e Galicia facendo degustacións en 20 actos.


A todos aqueles que dalgún xeito tiveron algo que ver con estes logros, decirlles que contan co noso agradecemento, eterno e sincero.

Quen queira ver a nosa festa, as nosas filloas, algunha das nosas actividades, a algúns dos que facemos posible este milagro filloeiro, pode conectarse con estes enlaces:
  • Galería de fotos en Flickr: festa do 2008, receitas, pedras... VER enlace
  • Modelo de "mesa" con rodas e freos para unha pedra de filloas e unha bombona... VER enlace
  • Fotos dun grupo internacional de filloeiros en Flickr... VER enlace
  • Cociñando na pedra polbo, ovos "fritidos", marisco, peixes, cogumelos, carne... porque nós cociñamos de todo nunha pedra. Pronto contaremos cunha nova edición da Festa da Cociña na Pedra. VER enlace con vídeos e fotos e outro enlace con máis vídeos.
  • Fotos dalgunha receita do libro 50 recetas con filloas, de Alvarellos Editora. VER enlace
  • Fotos das nosas filloas nas mans dos mellores cociñeiros no Forumsantiago08. VER enlace
  • Fotos da presentación do libro en Santiago. VER enlace
Como sempre, quen teña necesidade ou interés por máis información, quen queira propoñernos algunha actividade, quen queira participar no certame de cociña, quen queira aprender a facer filloas da pedra, todos podedes contactar con nós neste blog, por correo electrónico ou no teléfono 981 886 777